Déi 45. Generalversammlung vun der Sektioun ,,Pêche en Mer,, F.L.P.S. gouf e Sonndeg, 14 Januar 2024 zu Miersch am Lokal ,,Beim Batty,, ofgehalen. Vun de 40 aktive Memberen waren der 25 präsent.

De President Giovanni Micucci huet d`Leit ganz härzlech op der 45. Generalversammlung begréisst, an huet sech  bedankt bei allen déi Saison 2023 Aktive waren, Ausfaarten,Championnaten an ganz spezielle beim Comité.

De Comité huet sech aus folgende Leit zesummegesat: President: Giovanni Micucci; Vize-President an Trainer Hansen Jean-Pierre; Trésorière Steinhäuser Denise, Seketär Royer René

Wann en bedenkt datt mir mat féier Persounen am Comité de Funktionement vun der Sektioun oprecht gehalen hun, war dat en groussen challange fir eis.

 

De President huet dunn e klenge Aktivitéits Bericht iwwert d`Joer 2023 gemacht.

2023 hat d`Sektioun 40 Memberen an 97 Sympathisanten.

Am Laf vum Joer huet de Comité 7 Versammlungen ofgehalen a 4 Ausfahrten organiséiert. Leider ass die Ausfaart vum 18 November wéinst schlechtem  Wieder ausgefall.

No dem Joeresbericht war et dunn um Steinhäuser Denise wat de Bericht iwwer déi finanziell Situatioun vun der Sektioun erkäert huet.

Nodeems de Bericht vun 2 Keesserevisore bestätegt gouf, huet de President d`Versammlung gebieden der Keessière décharge ze ginn. Dëst gouf per Acclamatioun gemacht.

Du wor et um Tour vum Jean-Pierre fir de Bericht iwwert d`Landesmeeschterschaft 2023 ze machen.

Gewonnen huet dëst Joer de Micucci Giovanni virum Royer René a Jungers Henri. Si goufe mat enger Medail an Diplom vun der FLPS ausgezeechent.

Den Weydert Romain huet dun wuert ergraff fir en klengen Bericht vun der Weltmeeschterschaft Light Tackle an Süd Afrika ze machen. Hei konnten Lëtzebuerg déi respektabel 3. Platz um Podium secheren.

De President huet de Bericht iwwert d`Weltmeescherschaft 2023 am Bootsfëschen zu Novigrad (Kroatien) gemacht.Hei hun eis Lëtzebuerger Mieresfëscher hiert Bescht gemacht an firun allem eis Land vertrueden.

De President huet dann och nach en klengen Bericht iwwert Coupe des Nations 2023 déi eis Belg Kolleegen zu Blankenberge organiséiert hun. Hei gouf Lëtzebuerg déi 4 Natioun.

De President huet dann och en klengen Bericht vun eisem traditionelle Frëndschafstfëschen, Coupe AquaZooPêche gemat. D`Laureaten kruten hier Coupen am Bus wéi Ausfaart war iwwerreecht, déi vum Geschäft AquaZooPêche gestëft gouf.

Wéi dun Berichter durch waren, konnte mir eis erfreeën dat den Weydert Romain zougesot huet fir eis an Zukunft am Comité eng Hand mat unzepacken. Dëst gouf per Acclamatioun vun der Versammlung ugeholl. Häerzlech wëllkomm Rom.

Romain war 2023  Keesserevisor an elo am Comité, dat heescht ,mir mussen en neien Keessenrevisor kréien.

Do huet sech eisen laangjärege Member Steyer Norbert gemeld, den déi Charge iwerhëllt.

Keessenrevisoren setzen sech fir 2024 aus folgende Leit zesummen: Steyer Norbert; Pepin Tom; Godefroy Jean-Marie.

Als  laangjärege Member goufen geéiert: Arend Gilbert 40Joer; Biver André 40Joer; Hansen Jean-Pierre 40 Joer; Steyer Norbert 40 Joer; Zangerlé Gilbert 40 Joer; Steyer Roger 20 Joer; Micucci Giovanni 20 Joer; Royer René 20 Joer; Schroeder Tessy 10 Joer; Streff Helbach Marco 10 Joer; Micucci Salvatore 10 Joer; Sie kruten en Diplom an eng Spéngel, 40 Joer, kruten eng Korbaille vun der Sekioun iwwerreecht.

No enger klenger Paus, huet de President de Programme 2024 virgestallt. Bei dem réservéieren vun de Booter, kruuten mir gesot dat Rederei MS Neeltje Jans ap den 1. September ophellt. Dofir hunn mir eng Ausfaart um Boot Maatje Adriana fir den 26. Oktober gebucht.

Am Divers huet de President dann erkläert hatt Sympathisanten net méi  ugeschriwen gin (Ausfahrten,A.G. a.e.w.). Sie kënnen natierlech nach ëmmer mat Fëschen goen. Sympathisante gin nach eng kéier  per Bréif informéiert an gin gebieden Member an der Sektioun ze gin an domat och bei all Aktivitéiten eng Invitatioun kréien. Et get en neien Formuär ausgeschaft fir méi Fëscher um Formulär anzeschreiwen.

Preisser fir Ausfahrt 2024 sin; Member 120€  Sympathisanten 135€

De President huet dann och erwäänt datt Sekitoun en neien Internet Site huet an och do setzen mir an Zukunft Invitatioun vun den Ausfaarten drop fir sech unzemelden.

Zum Schluss vun der Versammlung huet de Comité nach eng Éierung ausgeruff  déi dem Comité schon méi lang um Häerz louch.

Mir hun jo bal all Titel an der Sektioun awer en Éieren-President hate mir nach net.

An dovir hunn mir eisen fréiere President Biver André gefrot Éiere-President vun der Sektioun,,Pêche en Mer,, ze gin.

Den Änder huet den Titel,, PRESIDENT  D`HONNEUR,,  mat grousser Iwwerraschung an Pippi an den Aan ugeholl.

En Diplom an en neie Bic ,,Section Pêche en Mer,, gouf dem Änder iwwerreecht. Iwwerrachung war gelongen.

Als Ofschloss huet de  President de Memberen Merci gesot dat se de Wee bis op Miersch fonnt hun an eng schéin saison 2024 gewënscht.

 

Micucci Giovanni

President

Section ,,Pêche en Mer"